Kammersänger 2024
v. l. n. r.
Ruedi Donat
Andi Bächer
Wife Geissmann
Urs Häfliger
Pitsch Bachmann
1.
Zwänzg-viere-zwänzg …… isch`s Johr vom Trump
im glingt …… en riese grosse Jump
nid im G`fängnis …… nid im wisse Huus
er brucht für da ……. au nid vel Pfuus
er dä wächslet …… und das isch kei Kriise
sin Coifför … jetz gits …… e noii Friise
2.
Uf Bern sind`s mit em ….. ÖV g` fahre
de Glättli ….. de mues jetzt abfahre
die g`lismete Chappe ……. und chalt Ohre
händ im Bundeshuus …… nüt meh … verloore
bim Strom do tüends …… jetzt au iispare
es muess jo keine me …. uf Bern ue fahre
3.
D`Stüürprozent …….die spaltid Wohle
jede hockt …….. uf sine Chole
d`Schuelhüüser söll doch ……. de Aargau zahle
de Landamme tued au …… mit Bundes-Chöle prahle
für eis hämmer aber ……… gar kei Erchlärig
händ d`Dottiker de ……… en anderi …..Währig
4.
En Stau am Gotthard ….. de muesch erlääbe
wäge paar Tuble …… wo sech a Bode chlääbe
mer forderid ….. für d`Aktivischte
bessere Liim …..oder ab i d`Chischte
sosch liimid mer ois ….. im Sterne inne
ane Stuhl ……. und fönd bim Bier a spinne
5.
Im Bundesrat ……. nischt brillant
ohne Haare ………. braungebrannt
als Flugpilot ……… kein wahrer Sieger
Kampfjets grounden …….. seinen Flieger
nun hebt er ab ……… wird Swiss-Pilot
Monsieur Berset …….. da sehn wir rot
6.
Mer lönd oisi Vers …… dur KI schriebe
drum chömmer bald …… diheime bliibe
Roboter werdid ……. d`Vers vorträge
da chund ois natürli …….. schampar g`lääge
mer chöntid au ……. wie n ehr do setze
und metenand ……… eusi Ohre spetze
7.
S`esch emol es chliises Träumli g`sii
Träumli sind jo doch so schnell verbii
s`esch emol es chliises Träumli g`sii
Träumli sind so schnell verbii
Ha träumt…… z`Wohle gäbs vill liebi Schätzli
ohni Egge Kante …… g`störti Mätzli
taktiere……..politisiere …… eifach nätt sii
immer brav …. uf em Arbets-Plätzli
kei Klima-Chläber …… und keis Tussi
immer Froid …… und veli Bussi
am Morge denn …… die wohri Wohret
e G`meind ….. wo chopflos ………i d` Zukunft suuret
S`esch jo nur es chlises Träumli g`sii
Träumli sind ja doch so schnell verbii
s`esch jo nur es chlises Träumli g`sii
s`esch ja nor es chlises Träumli g`sii
8.
Luegsch en Film …. im Staats- Fernseh
vor luter Werbig … tüend der d Auge weh
neu händ au mer … Werbig g`schalte
für all zum erhole ….. und d`Stimmig z`bhalte
uf es Bier ….. händ mer jetzt grosse Bock
drum g`hörid er … euse Werbeblock
Es Bier i de Beiz hed scho no si reiz.
Im Denner poschtid Denner.
Bim Aldi chaufsch bevort i Lidl laufsch
Bim Lidel poschte tued fasch nüd choschte
Im Migros chaufsch kei Bordeaux
Do semmer doch froh gets de bim Schüwo
Im Manor vor poschtet euse Chelechor
E Chäs met Nuss, chaufsch duss bim Duss
Im Coop a de Kasse Muesch Super-Pünkt fasse
Chaufsch en Döner wersch halt au ned schöner
9.
Es gid scho Sterne ……. wo lüchtid z`Nacht
di häd aber ned ….. d`IBW ufe g`macht
Gmeindrot, Verwaltig ….. luegid ned hee
si wänd da gar ned ……. würkli g`seh
händ doch weder ……. en Interna-Setzig
s`Volk fendet da …… gar nümme witzig
anstatt im eigene …… Töpfli rüere
g`schiider ….. s`Dorf i ne Zuekunft führe
jo guet ….. die Iinahmekommission
schaffet wenigschtens ….. ohni Lohn
erfinde wänds …. dänk alles neu
und d`Chole holids …… wie Buure s Heu
leider hämmer …… fasch kei Buure
drum wird de Brunz ….. vo Obe versuure
10.
De Präsi weg ……. zwee Trainer au
us em FCW ……. do wersch ned schlau
uf em Rase döftits …… au mee bringe
do well ne eifach …… ned vill g`linge
zum Glück händ die…no d`Seniore
susch wär de Vorstand…..total verloore
es bruucht jetz au…….kei Mega Party
de noi Präsi heisst ned ……. Dani Marti
11.
Trittst im Morgenrot daher
der Text der ist ja gar nicht schwer.
Sie üben längst in Maggelingen
das Schweizer-Hymne singen.
Suche mich im Strahlenmeer
der Alpenfirn sich rötet sehr.
Betet liebe Jungs ja betet
dass der Masseur die Waden knetet.
Eure fromme Seele ahnt
wer noch singt für`s Vaterland.
An der EM gegen die Dütschen
werden wir die links verwütschen.
Und keine fromme Seele ahnt
wer hat denn den Final geplant.
Hocherhaben nach dem Siegen
bleibt ohne Singen keiner liegen.
Trittst im Morgenrot daher
der Text der ist ja gar nicht schwer.
Wir kämpfen bis zum bitteren Ende
Als Chörli schaffen auch wir nicht die Wende
12.
Dadü dadü …. dadü dadü
Dadü dadü …. dadü dadü
Dadü dadü …. dadü dadü
Dadü dadü …. dadü dadü
Dadü dadü …. dadü dadü
Er chund au wenn nüd esch ….. am Morge am Drüü
12b.
De neu EK esch au…… Bolide-Fahrer
uf eusem Bild …..do g`seht mers klarer
öb Chrankewage ….. Rennbolide
bim Kurt do mags immer….. öppis Lide
s Gschenk vom Kurt … vo eusem Retter
en Infusion ….. met Kirsch vom Etter
