Schnitzelbank der Kammersänger 2011
Kammersänger 2011
v. l. n. r.
Traugi Gretler
Ruedi Donat
Andi Bächer
Peter Donat
Wife Geissmann
1.
D’Brämgarterstross …. 53 …. isch wieder hell
neu gstriche …. und’s lüüchtid aktuell
blaui Stäckli …. roti Herzli
dezwüsche es paar Wienachtscherzli
Denn d’Lätitia …. vo Waltischwil
heig deet …. eres zwoiti Domiziel
2.
Vom Gmeindhuus her …. ghörsch grosses Gwimmer
ide Halde …. fählid …. Klassezimmer
Und soo tuend meer …. eusi Haltig
offe kund …. de Bouverwaltig
Tüend joo need …. dä himmeltruurig Mocke
vo Holzpavillon …. nomol uufstocke
3.
De Saagewäg …. Marke Freiamt
isch es Knorz gsii …. insgesamt
Wohle …. wott need Waltischwil 5 Joor
em Hägliger schwellts langsam d’Hoor
Drum hett iez au …. dä armi Tropf
soone …. Riese-Hinderchopf
4.
E neue Laade …. am Rand vo Wohle
söll d’Villmärger …. in Aldi hole
Doch die sind …. erschtens voll vo Loob
und zwöitens au …. für ere Coop
Au wenns e bitzli …. meh …. tuet choschte
wos Wohler hed …. tüend meer ned poschte
5.
D’Budgetvorstellig …. noch altem Schema
esch für de Amme …. es riesigs Thema
Statt hundertdrizäh …. wie meer gsännd
seigids …. nor hundertzääh Prozänt
Denn …. so seit er …. dänkid blooss
d’Gruenabfuhr …. esch choschteloos
****
Walti …. Euses beschti Stück!!!!
Au Rächne …. esch e Sach vom Glück
6.
Waas chasch alls …. im WA gseh
sicher …. zwee Siite FCW
Bem Kuenz …. do chönn mer Auto lease
em Braunwalder …. sini Cotteletpriise
Schlussamänd …. das esch en alte
di obligati Chäberspalte
7.
Mit hundertzwänzig Mille im Joor
bestöchi …. höchschti Armuetsgfoor
Do zue …. händ meer sääge welle
es git au …. en Aastandsschwelle
Und die hett …. ganz unbstritte
De Gallatti …. scho mängisch …. underschritte
8.
Im Department Schürme …. sind d’Mässer gwetzt
s’Parkplatzkonzäpt …. wird duregsetzt
Denn das bringi …. eusem Wohle
ornig …. und die grossi Chole
Derbi bringts eus …. nur grossi Täubi
Und de Chnuupe …. eusi Chläubi
****
Wär weiss nedd …. wase Chnuupe ischt
dasch Jenisch …. und heisst Polizischt
9.
De Graf Urs fahrt …. Gentlemenlike
jede Tag …. Elektrobike
Und verkündt …. uf Aafroog stramm
das seig sis neu …. Fitnessprogramm
Vo de Kapo …. chömms Konzäpt
und vo Schofisheim …. s’Rezäpt
10.
I sim Büro …. stoht am Schalter
Handler-Wegmann …. Bouverwalter
Und tout Wohle …. tuet iez hoffe
mit Ihm …. heigmers …. äntli troffe
Und dasserneed …. i jede Fettnapf troli
wie sinerzyt …. de uralt Kohli
11.
S’Bahnhofquartier …. s’isch nid zum Lache
muess en …. Entwicklungspause mache
S’Projekt …. Faldschlössli …. seig ned schlau
daas weiss de Hübscher …. ganz genau
Sini Iisproch …. däsch würkli nömme dicht
goot sogar vors Bundesgricht
****
Au de Wadu …. chass chum fasse
s’Gäld tät guet id Kasse passe
Dänn müessti er …. mol nömme winsle
chönnt …. sis eignig Büchli pinsle
Säge mer sind Siebesieche
wenn nur alli …. s’Gliche mieche
****
Au de Coop chonnt iez id Traufe
verosse …. darf er nömm verchaufe
Denäbe …. rollt Tag und Nacht de Chole
chasch rund um d’Uhr …. Bänzin go hole
I jedem Liter …. steckid klaar
5 Rappe …. Aawaltshonorar
****
D’Aawoner hettid gern au Rue
doch ihne …. macht mer d’Schnörre zue
SVP …. statt grossi Chlaffe
Tuend doch D’Hübschling …. Espräss uusschaffe
12.
Em Halder-Andy …. tänkid au
isch’s Allerliebschti …. sini Frau
Als zwoites findt er …. wunderfein ….
E ganzi Fläsche …. Ballontine
Doch vom Whisky …. hett er chrummi Bei
und de zue …. en kahle Stei
13.
S’Gmeinhuusdach …. e cheibe Gschicht
heig Löcher …. und sig nömme dicht
Do hilft kei Sika …. keini Pfropfe
überall …. tüegs …. abetropfe
Doch di grööschte Tröpf …. das macht eus bang
chömid täglich …. dur de Hauptiigang
14.
De Hufi esch …. mer sägids offe
vom Wasseriibruch starch betroffe
Immer tropft …. däm arme Tropf
Wassertröpfe …. ufe Chopf
Die händ em …. was meer nie mieched
si Frisur …. total versiechet
15.
De Sarkosy seit …. zum Berlusconi
mon ami …. s’wär gar nit ohni
D’Schwiiz hätti …. s’chanau öppis choschte
a de G20 … en Beroterposchte
Et alors …. mir vernaschend mittenand
s’Leuthard …. Doorli …. de Merischwand
16.
De Gemeindroot …. und mir findids guet
hett d’Uustellig …. vom Halm zum Huet
z’Florenz b’suecht …. in Korporee
und erfreut …. chönnt meer hütt gseh
D’Strohchopf …. mentalität vo allne siebe
isch Gott sei Dank …. z’Italie blibe
17.
Vor knapp …. hundert Joore …. doo
hett Wohle …. Anglike …. übernoo
Die send net gsii …. uf Roose bettet
und meer händ ene …. s’Schulhuus grettet
Hütt händs kei Lääde …. doch s’Schuelhuus händs
und hoffentli bald …. Intilligänz
18.
De Glarner hett …. e grossi Rotte
SVP …. zur Jagd ufbotte
Und verchündt …. er heigi bschlosse
hütt werd …. en alte Keiler gschosse
S’Säuli …. das wird fahl …. und fahler
es heisst …. Lieni …. Füglistaler
19.
De Perroud …. und sini Gnosse …. au
nännid …. ihri beschti Frau, ….
kei Mänsch weiss …. wo de Fähler liit
stur wis sind …. eifach …. Frau With
doch d’SP Corinne …. heisst i de Praxis
längschtens scho …. Manimanakis
20.
Mitti Herbscht …. was wotsch do sääge
isch e BD Zug …. am Ranze gläge
D’Rettigschräft …. händ bis am Morge
drühundert …. verletzti Fahrgäscht borge
Die Fahrgaschtzahl …. isch übertribe
meischtens hetts nur …. sechs bis siebe
21.
D’Meinig isch …. de Schwizermaa
sött e Bitz …. meh Füdli haa
Und d’SVP …. tuet dezue neige
mer sötti …. vill meh …. Füdli zeige
Gsänder …. nur wäg der SVP
stönd die Wiibli …. verkehrt …. im Zürisee