Schnitzelbank 2022
Kammersänger 2022
v. l. n. r.
Ruedi Donat
Andi Bächer
Pitsch Bachmann
Urs Häfliger
Wife Geissmann
1.
D`Covid- Ziit……. die esch verschesse
keis Fäscht…. kei Fasnacht und ned küsse
mer frogid eus…. wie goht das wiiter
trotz allem Hirne….. mer send ned g`schiiter
mer händ halt jetzt…… mer sägids offe
meh g`frässe …… und halt au me g`soffe.
D`Covid- Ziit……. die esch verschesse
keis Fäscht…. kei Fasnacht und ned küsse
mer frogid eus…. wie goht das wiiter
trotz allem Hirne….. mer send ned g`schiiter
mer händ halt jetzt…… mer sägids offe
meh g`frässe …… und halt au me g`soffe.
2.
Was wird de neui……Kampf-Jet choschte
i d` USA………..wänd`s de go poschte
für vel Chole…….. de F 35 chaufe
de müend`s denn aber …… uf Amherd taufe
wenn us dem Chauf …. denn gar nüd werd
stohd d`Viola… schnell …… weder am Herd.
Was wird de neui……Kampf-Jet choschte
i d` USA………..wänd`s de go poschte
für vel Chole…….. de F 35 chaufe
de müend`s denn aber …… uf Amherd taufe
wenn us dem Chauf …. denn gar nüd werd
stohd d`Viola… schnell …… weder am Herd.
3.
Metti Jäner ………..esch es gsi
d`Intronisation…..scho verbii
das grosse G`heimnis…..äntli glüftet
de Wyhändler…….mer händs usedüftlet
de Urs blibt EK………….uf Läbzyte
und d`Lidwina………a sinere Site
losid….de Eric ………de blibt au
Vize…. EK……….mit de Frau
für d`Pangsionierig…..vo dene zwoi Päärli
im Chappelehof……s`tönt wie n`es Märli
es nois Zämewone…….für oisi Seniore
en dekorierte Saal…….mit Empore
mit Tanzbüni, Musig………..und e Bar
und s ganz Johr Fasnacht….wunderbar
e grosse Schrank…..für d`Fasnachts-Sache
en Wörlpuul…….lömmer au lo mache
e gueti Lüftig….wägem Stinke
es heisses Gstell……….. für warmi Finke
s ganze Johr……………..Senioreball
und Kammerball……….uf jede Fall.
4.
Die deutschen Wahlen … meine Güte
dekadent ….. doof………….Gott behüte
Den lachenden Armin……total vermühlt
den Olaf hat`s ….. ins Amt gespült
nun mancher Deutscher ….. wird sich Fragen
was wird die Angi ….. jetzt drunter Tragen.
Die deutschen Wahlen … meine Güte
dekadent ….. doof………….Gott behüte
Den lachenden Armin……total vermühlt
den Olaf hat`s ….. ins Amt gespült
nun mancher Deutscher ….. wird sich Fragen
was wird die Angi ….. jetzt drunter Tragen.
5.
De Schaagi seid…..zum Meyer Schang
bi immer go wähle…..mis Läbe lang
und will sich Vogt….uf gar nüd reimt
und ech ned Weiss ….was de Burket meint
ech wähle glaub….de Grüen Polizischt
bi beide weisch nid …..wora dast bischt.
De Schaagi seid…..zum Meyer Schang
bi immer go wähle…..mis Läbe lang
und will sich Vogt….uf gar nüd reimt
und ech ned Weiss ….was de Burket meint
ech wähle glaub….de Grüen Polizischt
bi beide weisch nid …..wora dast bischt.
6.
De Christoph Weibel ….isch kei Tumme
als Gmeindsschriber g`hört er…jedes Summe
het`s Handy drum….uf fibriere g`schtellt
und em Walti…. sini Nummer g`wählt
deer hätti nor ……. ei Stimm no g`fehlt
drum hämmers…… keinere Sau verzelllt.
De Christoph Weibel ….isch kei Tumme
als Gmeindsschriber g`hört er…jedes Summe
het`s Handy drum….uf fibriere g`schtellt
und em Walti…. sini Nummer g`wählt
deer hätti nor ……. ei Stimm no g`fehlt
drum hämmers…… keinere Sau verzelllt.
7.
40 Näme …..uf e Lischte knalle
das hed gar ned ……….. allne g`falle
bi dr SVP……….. isch en Schuss abgange
kei Frau im Root…..alls nume Manne
jetzt bügt mer sech ….. am Druck vo de Fraue
esch drum de Tanner ….. grad abgauhe.
40 Näme …..uf e Lischte knalle
das hed gar ned ……….. allne g`falle
bi dr SVP……….. isch en Schuss abgange
kei Frau im Root…..alls nume Manne
jetzt bügt mer sech ….. am Druck vo de Fraue
esch drum de Tanner ….. grad abgauhe.
8.
Ech säg am Morge…………loos min Schatz
hüt gömer a Märt…………ufe Sterneplatz
chaufsch Chäs und Gmües..aber nid e Huffe
ech goo denn afig…………….eis go suffe
s`osch triff ech sicher……s`ìsch kei Wetz
mini silbergraue Schätz…..vo de Bez.
Ech säg am Morge…………loos min Schatz
hüt gömer a Märt…………ufe Sterneplatz
chaufsch Chäs und Gmües..aber nid e Huffe
ech goo denn afig…………….eis go suffe
s`osch triff ech sicher……s`ìsch kei Wetz
mini silbergraue Schätz…..vo de Bez.
9.
D`Manne sind ….. kei dööri Chnoche
eri Fraue die chönd …. ganz guet choche
e wunderschöni …… Sproch händs au
und ihres Meer …… isch dunkelblau
grüen wiss rot …… ziert ere Fahne
Italia …… er händs chönne ahne
a d`Fuessball-WM ….. händ beidi welle
eri Urgrosschind werdid ….. da no verzelle
gäge d`Schwitz händ beid ….. kei Chance g`ha
de Penalty händs au ned …. ine ta
Rueh uf de Stross ….. hey…. kei Tifosi
mer findid`s schaad …… und müend doch froh sii.
10.
An Busbahnhof…………mer g`hörids gern
chunnt toute la Suisse……..au die vo Bern
s`Dach isch eifach…vier Meter z`chorz
drum wersch verseicht…so nen Forz
si stuunid und frogid …… wäg de Grössi
doch d`Wohler gännd sich ….. do kei Blössi
die trochne Plätz…………do simmer draa
Flixbus ….. Züri-Leiloch………………Afrika.
11.
Über diese Brücke musst du gehn
sieben Planungsjahre überstehn
vierzehn Plaaner mussten es sein
wann endlich kommt der helle Schein
Si tüend berote …. tüend verhandle
wie chamer e Kanal ….. und s`Land verbandle
es Brüggli jo …… e Betongplatte
drufobe no….e grüeni Matte
Dass d`lüt nid müend ….. durs Wasser laufe
und keine mues …… es Boot go chaufe
wo eimol im Johr …… det drüüber wott
es Gländer brucht`s no ….. joo bigott
Über diese Brücke musst du gehn
sieben Planungsjahre überstehn
vierzehn Plaaner mussten es sein
wann endlich kommt der helle Schein
S`chönnt jo eine …. abem Brüggli g`heie
mer würd en finde ….. au wenns würd schneie
dank Hundeverbot ….. es suubers Brüggli
au über d`Biber …… esch niemer glückli
Verbot für Rollator ….. und Scheesewääge
Chlichind mues mer …… übere trääge
nid springe döf mer ……. wäg de Frösche
i de nööchi au ……. kei Strau me trösche
Über diese Brücke musst du gehn
sieben Planungsjahre überstehn
vierzehn Plaaner mussten es sein
wann endlich kommt der helle Schein
Libelle und Vögel …. döfsch nid fange
au nid über……. s Gländer hange
eimol im Johr ….. es Brügglifäscht
de gönd viel wider …….z`spoot is Näscht
All da mues ….. g`nau planet sii
mit vierzäh Nase…….sind`s debii
hundertusig …..choscht de Seich
mer findit`s eifach……. Biiiiireweich
Über diese Brücke musst du gehn
sieben Planungsjahre überstehn
vierzehn Plaaner mussten es sein
wann endlich kommt der helle Schein.