Schnitzelbank der Kammersänger 2010
Kammersänger 2010
v. l. n. r.
Ruedi Donat
Traugi Gretler
Hans Hufschmid
Andi Bächer
Peter Donat
Matthias Fricker
1.
De Gadaffi seit … tuend Euch beeile
Und dialti Schwiiz ufteile
Dezu tueter im wiitre schriibe
Wohle chönnt …. selbständig bliibe
Eusi Freud …. wär riesegross
D’Angliker wärid mer äntli loos
****
Und de Witz vom Vers isch dää
D’Villmerger …. würdid mer met Handkuss nää
2.
De Elektro-Hegi …. fühlt sich gmobbet
De Gmeindrot hett …. sis Bougsuech gstoppett
Und seit em klar …. was Eer det wett
Nämli …. en Gschlächtsbegegnisstätt
Städtebaulich pass …. nur das det häre
Schööön …. zwüsche Chile und em Bäre
3.
Der FC Wohle …. dasch bekannt
Isch kulinarisch …. ufem höchschte Stand
Di beschte Wörscht …. chasch dete chaufe
Driibiisse …. und sächs Meter laufe
Den gsehschau …. das bringt eus zum verdeckle
Die gröschte Wörscht …. ufem Spielfeld seckle
4.
De Gmeindroot hett …. jez lueg au do
Z’Brüssel …. en Priis …. entgäge gnoo
Und dää isch …. im Grund betrachtet
Wältwiit …. und europäisch g’achtet
S’hätt gää …. kei Urkund …. und nüt Bares
Nur de Titel …. Europakaff des Jahres!!!
5.
Chörzli fahrt …. en wittre Poschte
Medizinalschrott …. richtig Oschte
Bärtschi und Piffi …. so wie mer meine
S’Heldepaar …. vo de Ukraine
Versprächid …. sicher wirds eus glinge
Au d’Ferro …. no …. uf sumi z’bringe
6.
Es Dameländerspiel isch gsii
De Ueli Murer …. als Ehregascht derbi
lez forget alls …. hett Dää en Däber
Isst im Sterne …. statt bim Chäber
Und d’Irma tuet …. fruschtriert verchünde
Däm Mischtcheib …. wird ech nie …. e Cherz azünde
7.
Dank de Chammersänger …. wird verzellt
Heig mer …. de Wadu wieder gwählt
Denn voreme Johr …. händ meer ihn doo
Ganz verreckt …. durd Mangi gloo
Und em soo …. Erhett eus Bifall zollt
En Mitleidbonus …. usegholt
8.
Am erschte Auguscht …. wird d’Hymne gsunge
De Fahne wird …. vom Fränzel gschwunge
Und de Redner …. seit de Bank
Riffiise …. für d’Würscht …. de beschti Dank
Au es Füürwerch …. hett stattgfunde
En Tag vorhär …. bim Winkler unde
9.
Im Gmeindhuus gits …. s’cha net gnue choschte
En neue Chefbeamteposchte
Josef Sachs …. so heisst dä Maa
Am nächschte Mäntig …. foot er aa
Damit äntli ufhört …. das Theater
Als erschte …. Gmeindrotspsychiater
10.
De seit hüür …. gits kei Klausur
All siebe …. schickid meer id Kuur
Versänkids …. damits nömm lang tuend bälle
Z’Königsfelde …. inere Gummizälle
Noch vierzäh Tag …. sinds bim Verstand
Chönd wieder rede mitenand
11.
D’Göttigsellschaft …. hett starch g’altet
Früener händs kochet …. Fäschtli gstaltet
Trubel und Heiterkeit verbreitet
D’Umzüg …. und d’Fastnacht begleitet
Und hütt gönds …. es isch kei Klatsch
Viel lieber ane Fuessballmatch
12.
Em Huwiler … em Jauslin …. und de Becker
Goot de Dubler uf de Wecker
Doch d’Stadtabstimmig isch id Röhre
Vom Teilamt will kei Mänsch meh ghöre
Nur d’Doris Becker …. s’isch nid gloge
Hett äntli …. d’Konsequänze zoge
13.
Präsi und ZM …. händ d’Idee ghaa
Vom Extraversli für de EK
Mer händ g’hirned …. vieli Stunde
E Vers …. hämmer …. e keine gfunde
Die händ eus ganz schöön inegliimet
Will uf Kanadier …. gar nüüt riimet
14.
De Pius …. dasch e Sach …. e choge
Isch in Rüüspark …. witerzoge
Und wirkt deet …. wie mer ihn kännt
Iifühlsam …. effiziänt
Meer fundits gschiider …. jede Faal
De Amme wirkti …. im Gnodethal
15.
De Bärtschi isch …. nümme z’kuriere
Will de Wärt …. vo de IBW …. eruiere
Er schwingt de Sabel i de Gmeind
Frogt nie …. was der ander meint
Wenn wird’s äntli …. Eine wooge
De Wärt …. vom Bärtschi z’hinderfroge
16.
De Jauslin cha …. de Dubler rüüge
De Jauslin chanau Segelflüge
De GPK … esch er vorgschtande
Und cha …. als Viceamme lande
Doch öppis hett …. de Jauslin need
Fairplay …. wie das jede gseet
17.
Scho lang chasch …. i de …. Gazette läse
Über d’Irma …. und ihres güetig Wääse
Mer händ de Marti gfrogt …. und gfoppet
Wänn er denn …. die Story stoppet
Dääseit …. S’überchächschti Joor …. am Friitig
Chömm die erschti …. Chäberfreii Ziitig
18.
Schnuggipuzzi …. Pfludermüüsli
Schnäggli …. Herzli …. lieb di grüüsli
Chom jez …. hett gern dir alles gschänkt
D’Chälbli …. hani au scho tränkt
Mer gönd is Bett …. denn wersch es gsee
I han es ganz neus …. Negligéé
****
Gang di go wäsche …. es isch heiss
Du schmöcksch jo …. wie en alti Geiss
Mer wänd jez zäme …. keini Chritzli
Au Duu …. böckelisch es bitzli
Will ech daas gseeh …. und ghöre …. schalti
Uf Bauer ledig …. suecht en Alti
19.
De René Meier …. hett sich erdreischted
Sine Tschütteler gseit …. er händ nüüt gleischtet
Eer findi das …. de blanki Hohn
Und chörzt …. um 20 Prozänt de Lohn
Lueg René …. settig gschiidi Sache
Hettsch scho …. Im Gmeindhuus selle mache
20.
De Doppelchreisel …. so stoots im Bricht
Isch aapflanzt … doch nach euser Sicht
Ischs e Huffe Hott und Hüsch
E Huffe Stirzel …. und au Büsch
Träffend seits …. de Bio Buur
Dasch gnau …. em Huwiler si Frisuur
21.
D’Chilepflääg öffnet …. meer händ gseit …. oh läck
S’leer Pfarrhuus …. für en guete Zwäck
Si wellid nömme dümmli trülle
Dä grossi Bou …. mit Läbe fülle
Im Mai ziend ii …. die werdid Dank haa
50 Schwarzkatholischi …. us Sri Lanka