Kammersänger 2023
v. l. n. r.
Wife Geissmann
Pitsch Bachmann
Ruedi Donat
Urs Häfliger
Andi Bächer
1.
Dr Sidi Abdel Assar vo El Hamaa
het mol am Morge früe no im Pijamaa
i de Stross vor der Moschee
de Infantino gseh
das isch dr Afang worde vo sim Dramma.
Ech lo der für die WM tuusig Schaaf daa
dr Abdel Assar hed nümm chönne schlafaa
bis er bim FIFA-Gott
uf de Matte stoht
und seid er well kei Schaaf er mües es BAR haa.
De Gianni seit du hänksch mer de Kataar aa
i ha scho z`kämpfe will i keini Haar haa
de Chole de flüsst scho
i han en grad mitgnoh
ech mache der doch no so gern en Gfalla.
Es chunnt de Tag wo si afönd Fuessballaa
vill z`warm und z`troche isch`s i de Saharaa
de Dütsche isch es z`heiss
drum spelids so en Scheiss
si send denn glii scho hei zur Mamma gfahraa.
De Schwizer Nati hets det so richtig gfallaa
händ gwüsst wa mache mit dem cheibe Ballaa
bis Portugal isch cho
isch d`Luft ois bliibe stoh
das hed denn allne überhaupt nümm gfallaa.
De Sidi seid ech mues no schnell i d`Schwiz gaa
hed sini hübschi Tochter au grad mitgnaa
im Murat wird`s ganz heiss
will er jetz ganz gnau weiss
de tuscht si Tochter i gäg euse Xhakaa.
Und wenn`s denn Nacht wird über de Saharaa
lueg det dr Mond isch hell und schint eus klar aa
und d`Scheiche zällid d`Chole
de Gianni het si gstole
hey sini Schöfli hed er längscht im Trochnaa.
2.
Politik und Wohle ….. da reimt sich nöd
und denn no drüber singe …. isch saublöd
mer suechid eine ….. wo cha zelle
wo d`Stimmzädel ……. hätti zelle welle
wo kei Stimm wett ….. lo verschwinde
wo de Gmeindschriber ….. eifach nümm wot finde
3.
Für de Gmeindrot isch er …… en Ikone
euse Weibel …. met sine Visione
für eus isch er ….. en Riesechaot
mer händ en Tipp ….. es esch ned z`spot
en neue Job ……. als Reiseleiter
uf em Mond wird er …… eue Feriebegleiter
4.
Wer meint …… er chöni Auto fahre
de söll mol mit ……. sim neue Chaare
i d`Tüüfgarasch …… i d`Migro z`Wohle
nemsch eifach met …. e huffe Chole
sötz`s bi de Usfahrt ….. ned guet laufe
chasch neu i de Migro ..….. au Kotflügel chaufe
5.
De Wohler Azeiger …. näb eusem Gmeindhuus
schriibt ehrlechi Wort ….. mer chömid druus
churz und bündig ….. und au schlicht
es seig en Gmeindrot … ohni Gsicht
einzelni seigid ….. nid so schlächt
als s`Gremium ….. meh schlächt als rächt
6.
De erschti Film …… im Kino Rex
kei Bond kei Krimi …… und kei Sex
drü Sääl sind leer ….. und niemer wohnt
langs warte bis ….. de Projekter chunnt
drum heisst de Film …. ganz unverfrore
d`Handwärcher händ ….. ihres Gäld verlore
7.
Si stiegt und stiegt …. die Inflation
au s`WC-Papier …… chratzt am Gmeindrotslohn
d’Verwaltig hed…. en Sparidee
ned Strom ned Wasser .… s`tuet ned fescht weh
s`Personal mues …. uf weichs Papier verzechte
mues sis Gschäft …. met bedrucktem verrechte
für de Gmeindrot hed jo …. Press kei Nutze
mer fendets schad …brucheds die nor zum s’Füdle butze.
8.
Gnueg Parkplätz ….. i de Bahnhofgarasch
d`Inahme send …. total am Arsch
die leere Parkplätz …… händ mer gseh
mer hättid für eu ….. en super Idee
met eusem Tipp ….. chönt mer`s realisiere
das es Geil wird …… im Bahnhof uss z`parkiere
di Chare würdi …. putzt und gwäsche
de zue es Zvieri …… und es Bier us de Fläsche
9.
Mer söllid jetz ….. bim Pfuus iispare
jede söll …… e Stromchare fahre
d`Ladeparkplätz ….. seigid knapp
drum bricht d`IBW …… zwoi alti Hüüser ab
de Lehme Peter ….. de blibt stuur
drum send d`Wohler …. total suur
s`Parkhus heisst denn …. Steigass Wohle
d IBW hed…verdammt …. z`vell Chole
händ denn die …. eine a de Laterne
flicked doch zerscht …… all Wiehnachtssterne
10.
D`Solarchraft …… hed er uf sim Dach
oise Bollhofbuur ……. verstoht sis Fach
als Fleischschauer …… mues er kontrolliere
tuusigi ………………. vo blutte Hüener
eus isch ned klar …… mer händ do Frooge
tüend so vel Blutti …… de Ruedi nid plooge
11.
Baume Schneider …. die neu Bundesröschti
de ander neu Boy .…. de heisst Röschti
d`Frau Herzog het …… die Wahl verlore
die hed denn glätschet….wie ne Mohre
mer hoffid jetz …. dass sie da tröschti
es Lammfilet .… mit Bärner Röschti
