Schnitzelbank der Kammersänger 2018

Kammersänger 2018
v. l. n. r.
Ruedi Donat
Urs Häfliger
Wife Geissmann
Matthias Fricker
Andi Bächer
1.
Wotsch uf de Poscht …. Briefmarke hole
farsch neu …. i d Milchzentrale Wohle
chasch det zu Schoggi …. für zwe Franke
zwoi Sugus …. uf din Brief ue chlääbe
uf d’Antwort wartisch …. denn vergääbe
2.
De Fringer trifft … de Constantin
er schätzi sin …. Familie-Clan
de Bueb seid ihm …. denn alli Schand
sin Papa isch nüm …. bi Verstand
bim Fondü händ si …. sech jetz troffe
und bis am Morge …. Fendant g’soffe
3.
D’Isler Oase …. isch vom Tisch
keini Vögel …. keini Fisch
uf em Sterneplatz …. chasch bald parkiere
mit em Schätzli …. dur nes Fäscht flaniere
Kultur im Sterne …. Kunscht im Schlössli
uf de Wiese …. Fränzels- Rössli
4.1
Semmer gottfred Stutz e Kiosk
oder semmer öppe ne Bank
dasch de letschti Spruch för de Amme
för sin leere Kasseschrank
****
es esch gottfredstutz e Schand
d’Juschtiz Aargau a der Wand
hed nur Minuspünkt verbuecht
d’Nodle im Heu vergäbe g’suecht
****
4.2
s’Bundesgricht das hed entschede
Walti du läbsch jetzt in Frede
chasch jetzt froh dur’s Dörfli laufe
chönntsch es E- Bike för dech chaufe
****
chasch di Freiheitsfahne schwänke
an es Gfängnis muesch nümm dänke
chasch d’Politik vo usse g’nüsse
met de Frau jetzt Blueme güsse
****
4.3
i dim schöne Garte jäte
chasch im Internet go t’schäte
duesch d’Kollege ned vergässe
chasch met eus e Pizza ässe
****
du besch emmer sparsam g’sii
mer zahlid d’Pizza …. du de Wy
so nemmt alls es Happyänd
dasch doch da so die meischte wänd.
****
Ahaa …. ei Lösig …. wär doch no e glatti
d’Rechnig …. die scheckid mer …. im Galatti
5.
E rise Lischte …. met vel Näme
känne tuesch …. devo fascht käne
de Stäger Urs seid …. ech has g’seh
wähl vo jetzt a …. FDP
drum oise Tip …. liebi SVP
vellecht wär weniger …. mängisch meh
6.
Min Messias …. schribt de Marti
seid geduldig …. und er warti
chunnt as Sieger …. us de Wahle
als Amme tüeg er …. g’waltig strahle
Arsi mer händ …. volls Vertroue
i hundert Johr …. isch d’Schuel umboue
7.
De Glarner A …. vo Oberwil
kei Asylante …. isch sis Ziel
er mues denn aber …. chli bigäh
mues zwänzg …. i sini Hütte näh
jo z’Bern …. do chönnts in grad vergässe
jetzt chocht er täglich …. zwänzg Nachtässe
8.
De FC wott nümm …. het d’Nase voll
mer findits vernünftig …. und händ kei Groll
Klappsitz, Rase, Lux …. händ g’fählt
brutal hets d’Kasse …. duregstrählt
mer händ en Idee …. mer tschuttid mit oi
gäg Maiegrüen, Anglike …. und s’Villmärge zwoi
(Berikon s’Mutschälle zwoi)
9.
Früener hets …. jo mer verrecke
sibe Metzger geh …. und sibe Bäcke
foif Schueni …. vierzg Reschtauratione
hüt tuet sech da …. schiints nümme lohne
der Online-Schopp …. bringt alls i d’Hütte
und wa’t ned bruchsch …. tuet d’Poscht z’rugg schütte
10.
Harley fährt er …. het d’wält scho g’seh
das längt em ned …. er wot no meh
sin Töff und d’Helen …. liebt er heiss
doch wüssed mer …. em fehlt no eis
als Fremde …. d’Wohler Fasnacht rocke
Traugi hau eus …. us de Socke

11.1
Übere Gotthard übere Gotthard flüged d’Brääme
jo flüged d’ Brääme …. die chaibe Brääme
wenn si über em Gotthard sind denn sind si dääne
die chaibe Brääme …. hodulio
****
Trinksch im Gotthard trinksch im Gotthard 2-3 Bierli
jo 2-3 Bierli …. und non es Bierli
Wenn denn us em Gotthard laufsch pass uf of’s Träpli
das chaibe Träppli …. hodulio
****
Het scho mänge us der Beiz es Aeffli hei gnoh
es Aeffli hei gnoh …. esch ned grad hei choo
Wenn denn hei chonsch seit der d’Frau send er jetzt au doo
send er jetz au doo …. hodulio

11.2
Tuesch im Gotthard in emol e Rundi jasse
e rundi jasse …. verspelsch di Kasse
Alles halb so schlimm morn wirsch scho wider jasse
scho wieder jasse …. houlio
****
Chasch im Gotthard inne bald scho nümme juuchtze
jo nümme juuchtze …. und nur no schluchtze
Suechsch vergääbe sone Beiz mit söttig Gschechte
mit söttig Gschechte …. hodulio
****
aber ohä lätz

11.3
jetz gohts im Gotthard gohts im gotthard ganz fescht oppsi
jo ganz fescht oppsi …. es söll kei Flop sii
will s Duo Köbi Ruedi b’sunders guet wird aachoo
jo guet wird aachoo …. hodulio
****
de Köbi seit zum Ruedi hol die beschti Fläsche
die beschti Fläsche …. us diner Täsche
für d’Kammersänger stiegt de Ruedi tüf in Chäller
ganz tüf in Chäller …. und holt de Wy
****
und zum Wy gits denn no ganz e feini Pasta
e feini Pasta …. ganz feini Paschta
do im Gotthard inn wäm mer jo gar nie faschta
jo gar nie faschta …. hodulioooooh

12.
Mer stunid …. und mer händ no Frooge
chönd ned schlofe …. s’tued ois plooge
i Gmeindrot …. und as Beizer gönd si
d Verslibühni …. die verlönd si
parat sii …. hends eus ersch no gsunge
vorem Durchbruch …. sind’s abgsprunge
13.
De Lütolf …. wo de CVP
hed Ambitione …. wot immer meh
wet grad mit drei …. i Gmeindrot ie
d Wähler stoppid …. da got nie
er wird de Bescheide … aha da goht
gli esch er alei …. im Iwohnerrot
14.
D’Haldeschuel …. wird jetz neu boue
de Pauseplatz …. de hed si groue
d’Schüler tüend …. nüm Znüni ässe
spaziere chasch jo …. eh vergässe
statt Gras und Blueme …. Dokstatione
det dockids a …. tüend krass iphone
15.
De Andi meint …. im Chappelehof inne
fosch so langsam …. a fo spinne
s’Leonhards … wänd renoviere
d’Chilegmeind …. nüd investiere
bouid doch …. mer chönd druf warte
en Rollator …. Bio …. Altersgarte
16.
Fernseh luege …. Radio lose
d’Olympiade …. goht i d’Hose
kei Slalom …. keini Abfahrtsränne
no Billag …. es isch zum gränne
doch öppis …. hed üs schampar g’falle
Hüppi, Sutter …. hopp St.Galle
17.
Solarcity …. nännt sich Wohle
d’IBW …. di nehmt de Chole
wotsch einisch …. met de Frau go laufe
ud ihre denn …. no blüemli chaufe
denn zeig dim Schatz …. s’Solar-Margritli
da choscht di nüt …. und s’hebt es Zytli
18.
Im Bundeshuus …. düend d’Fraue motze
die meischte Manne …. sind zum chotze
im Tram …. im Lift …. im Stägehuus
tönds …. me too …. es esch en gruus
mer söt de Manne …. d’Daddle zwicke
uns si erscht denn …. uf Bern ue schicke
19.
Und wenn’t denn wotsch …. Gmeindamme wärde
sötsch ned s’Läbe …. von de Rehli g’fährde
fahr langsam …. und bis jo ned z’schnell
suscht blitzt de Blitzer …. uf de Stell
und s’Gricht seit der denn …. fadegrad
mach d’Schuhe …. und d’Wanderstöck parad
20.
Im Summer …. a dem Donnschtig-Jass
Huet esch Trumpf …. en riese Spass
händ guet verdient …. s’esch alles glunge
händ g’jassed .. trunke .. glached .. gsunge
Live im Fernseh …. mer hettid’s gfiiret
Lieber …. mit de Hardys s’gliiret
Menü